Tornar sus la conferéncia 'Nousautes les gascoûs'

Los Podcasts

Lo 26 de noveme passat que's débanè donc la famosa conferéncia 'Nosautes les gascons' a Samatan. Organizada per l'associacion Savés en Gasconha e l a pagina Facebook Esprit Gascon.

Au programa d'aquera conferencia lavetz, la Gasconha : la soa istòria, la soa identitat, la soa lenga.

Lo doctor en istòria Guilhem Pepin qu'i prenó la paraula, tanplan com Tederic Merger de gasconha.com, Josef Miqueu deu Cèrcle Istoric de l'Arribèra o enquèra Bernard Costalat de l'IBG.

Lo desvelh gascon, atau quin poderem resumir lo contineut de las prestacions e tanben deus escambis : Lo gascon qui s'ei deishat anar a las mans deu gran projècte occitanista, dab l'espèr d'estar mei horts tots amassa, mes qui adara e se'n torna : entàd eths, ço qui semblava a ua aliança que vira uei lo dia a ua anexion culturau e sustot linguistica. E be son pro nombrós a opausa's ad aquera tendéncia, shens totun estar los 'anti occitanistas' anonciats per daubuns. Avançar tots amassa, quiò, mes en tot arrespectar l'identitat gascona. Puish a que la diversitat ei sovent hicada en davant tà valorizar lo riquèr occitan, alavetz nada rason en principi d'arcastar aus gascons de voler reafirmar la lor identitat pròpia, après annadas de mudas concessions.

E se los escambis qu'èran mei virats cap au passat que non pas l'aviéner, qu'èra shens dobte tà escotar l'arreproèr qui ditz qu'entà saber on vam, que cau prumèr saber d'on vienem. E benlèu que sus aqueth punt, un estanc que hè mestièr, uei lo dia, e shens que'n gasconha.


Entà ns'escotar

Bearn : 89.8 FM
Bigòrra : 101.5 FM
Gers : 90.8 FM
Lo mon lector sus la pagina